Happy Birthday Wendy ❤️

Zum Geburtstag git's am Osterwuchenend vom 29.3 - 31.3 en Abentür-Ski-Reis nach Grindelwald, über de Eigergletscher, die legendäri Lauberhornabfahrt derab bis nach Wenge. Im folgende isch euses Adventure step-by-step beschriebe.

Reiseplan (bi schönem Wetter)

Mitem Zug gaht's nach Grindelwald Terminal

Vom Terminal gahts wiiter mitem neue Eiger Express zum Eigergletscher (2320m) ufe, de letzti Bahnhof vorem Jungfraujoch.

Ide Eigergletscher Station leged mer d Ski ah, packed de Rest in Rucksack und fahred ufde Piste richtig chlini Scheidegg abe.

Nacheme Mittags-stopp fahred mer wiiter de blaue Piste entlang und fahred en chline Teil vode Lauberhornabfahrt (de nöd-steili, ide Karte grüen izeichnet).

Am Endi vode Piste chömed mer im autofreie Dorf vo Wenge ah wo mir mit de Ski direkt vors Hotel chönd fahre. Da wohned mer für 2 Nächt.

Nachem ichecke wird de Bademantel agleit und denn gahts ab go wellnesse.

Im herzige Dörfli vo Wenge gits denn en feine Znacht und de nächsti Tag verbringed mer je nach Wetter mit Skifahre, Schlittle oder en usflug z'Fuess mitem Zug und Wellnesse.

(Schlechtwetterprogramm)

Alternativ chönd mer au mitem Auto areise und s Auto in Luterbrunne is Parkhus tue und mitem Zug direkt uf Wenge fahre, falls es mitem Wetter kei Sinn macht, mit de Ski über de Berg z gah.